कञ्चनपुर :कैलाली र कञ्चनपुरमा आजदेखि रात्रिकालिन लकडाउन गरिने भएको छ।कैलाली र कञ्चनपुरका प्रमुख जिल्ला अधिकारीको उपस्थितीमा भएको अन्तर जिल्ला बैठकले कैलाली र कञ्चनपुरमा आजदेखि रात्रिकालिन लकडाउन गरिने निर्णय गरेको हो।  निर्णयअनुसार राति ८ बजेदेखि बिहान ५ बजेसम्म हिडडुल गर्न नपाइने भएको हो।  त्यस्तै दुवै जिल्लामा मङ्गलबारदेखि सार्वजनिक सवारी साधन जोरबिजोर प्रणालीमा सञ्चालन गर्ने, जिल्लाका सबै शैक्षिक संस्था बन्द गर्ने र भारतमा सामान खरिदका लागि आवागमन बन्द गर्ने निर्णय गरिएको छ।