महेन्द्रनगर । गत वर्ष फागनुमा सञ्चार तथा सुचना मन्त्री गोकुल बास्कोटा महेन्द्रनगर पुगेका थिए । उनले उद्योग वाणिज्य संघले आयोजना गरेको मेलामा सरकारको प्रशंसा गर्दै महेन्द्रनगर स्थीत खुलामञ्चमा भाषण गरेका थिए । उनले भाषण गरेकै दिन राती सेक्युरेटि प्रिटिङ्ग प्रेसमा ७० करोड कमिसन मागेको कुरा बाहिर आएपछि उनले पदबाट राजीनामा दिनु परेको थियो । त्यस्तैगरी प्रधामन्त्रीको रुपमा केपी शर्मा ओलीको अन्तिम भाषण कञ्चनपुरमा भएको छ । सोमबार दैजीछेला औद्योगिक क्षेत्रको शिलान्यास गर्न महेन्द्रनगर पुगेका प्रधामन्त्री ओली छेला औद्योगिक क्षेत्रमा १ घण्टा लामो भाषण गरेका थिए । मङगलबार सर्वौच्च अदालतले प्रतिनिधिसभा पुर्नस्थापना गर्ने फैसला गरे संगै ओलीको पद समेत धरापमा परेको छ । प्रधानमन्त्रीको रुपमा उनको अन्तिम भाषण कञ्चनपुरबाट टुङ्गिएको छ ।