32.9 C
Mahendranagar

कलुवापुर बजारको सडक अतिक्रमण हटाइदै

  • 186
    Shares

शुक्लाफाँटा नगरपालिका नगरपालिका वडा नं ११ स्थित कलुवापुर बजारको सडक अतिक्रमण हटाइने भएको छ । मिति २०७७।११।०५ गते जिल्ला समन्वय समितिमा शुक्लाफाँटा नगरपालिकाका प्रमुख दिल बहादुर ऐर¸ प्रमुख जिल्ला अधिकारी रामकुमार महतो¸ प्रहरी उपरीक्षक उमा प्रसाद चतुर्वेदी¸ जिल्ला समन्वय अधिकारी हरिदत्त भट्ट¸ पूर्वाधार विकास कार्यालयका प्रमुख दीपक नेगी सहित सरोकारवालाहरुको बैठक बसी अतिक्रमण हटाउने निर्णय गरेको हो । एक जिल्ला एक प्रदेश गौरवको आयोनामा परेको बेलौरी–कलुवापुर–नायल–बुडर खण्डको करिब ६० किमी सडक खण्डमा पर्ने कलुवापुर बजार क्षेत्रमा न्यूनतम् १५ मिटर चौडाई सडक हुनु पर्नेमा अतिक्रमण भई ७ मिटरमात्र सडक रहेको छ ।

तस्वीर : अतिक्रमण गरेर लगाइएका ठेला

उक्त बजार क्षेत्रमा सडकको बीचमा डिभाइडर बनाई सोको दुवैतिर ७.५ /७.५ मिटर पक्की सडक निर्माण गरिने छ । सो सडकको क्षेत्राधिकार भित्र बर्षौ पहिलेदेखि अवैध छाप्रा¸ टहरा लगायत संरचना निर्माण गरी सडक अतिक्रमण भएको थियो । सडकमा अवैध संरचना निर्माण गरेमा सम्बन्धित व्यक्ति स्वयंले संरचना हटाउनु पर्ने र सम्बन्धित व्यक्तिले संरचना नहटाएमा आयोजना संचालन गर्ने सम्बन्धित कार्यालयले त्यस्तो संरचना हटाउन सक्ने र त्यसरी संरचना हटाउदा लागेको खर्च समेत सम्बन्धित व्यक्तिबाट असूल उपर गरिने कानूनी व्यवस्था छ । पूर्वाधार विकास कार्यालय कञ्चनपुरले शुक्लाफाँटा नगरपालिका र स्थानीय प्रशासन¸ प्रहरीको सहयोगमा उक्त अतिक्रमण हटाउन लागेको हो । उक्त सडक प्रदेश सरकारलाई हस्तान्तरण भएपछि प्रदेश सरकारले प्रदेश गौरवको आयोजनामा समावेश गरेको छ । उक्त सडक आयोजना पूर्वाधार विकास कार्यालय¸ कञ्चनपुरबाट कार्यान्वयन भइ रहेको छ भने सडक निर्माणको बन्साहा–कलुवापुर–दोमिल्ला सडक खण्डको ठेक्का सन्तोषी थेगिम जेभी धनगढीले ठेक्का पाएको हो ।

  • 186
    Shares

ताजा समाचार

कर्णाली प्रदेशका मुख्यमन्त्रीको सरकार जोगियो

सुर्खेत । मुख्यमन्त्री महेन्द्रबहादुर शाहीले सभामा विश्वासको मत लिनका लागि राखेको प्रस्ताव बहुमतले पारित भएको छ । यो सँगै कर्णालीमा शाही नेतृत्वको...

कञ्चनपुरमा थप ३१ जनामा कोरोना संक्रमण पुष्टि

महेन्द्रनगर । कञ्चनपुरमा थप ३१ जनामा कोरोना संक्रमण पुष्टि भएको छ । शुक्रबार गरिएको परिक्षणमा जिल्लाका ३१ जनामा संक्रमण पुष्टि भएको हो...

विद्यालय बन्द गर्ने अधिकार स्थानीय तहलाई

काठमाडौं : शिक्षा विज्ञान तथा प्रविधि मन्त्रालयले विद्यालय सञ्चालन वा बन्द गर्ने निर्णय स्थानीय तहले गर्न सक्ने जनाएको छ ।नेपालमा कोरोना भाइरसको...

धनगढीमा एक विद्यार्थीमा कोरोना संक्रमण

धनगढीको नास्ट कलेजमा अध्ययनरत एक विद्यार्थीमा कोरोना भाइसको संक्रमण पुष्टि भएको छ। सेती प्रादेशिक अस्पतालमा गरिएको परीक्षणमा ती विद्यार्थीमा संक्रमण पुष्टि भएको...

कञ्चनपुरमा कोरोना संक्रमण बढ्यो,अस्पतालमा बेड अभाव,संक्रमित घरमा

महेन्द्रनगर : कञ्चनपुरमा कोरोना संक्रमितको संख्या बढ्दै गएको छ । भारतबाट स्वदेश फर्किनेहरुको संख्या बढेपछि कोरोना संक्रमितहरुको संख्या पनि दिनहु बढ्दै गएको...