महेन्द्रनगर । कञ्चनपुरको महेन्द्रनगर स्थीत कर्बडहलमा भइरहेका तेस्रो साहना प्रधान स्मृति राष्ट्रिय महिला हक्की प्रतियोगितामा सुदूरपश्चिम प्रदेश र विभागीय टोली आमीले लगातार दोस्रो जीत हात पारेको छ ।
बिहिबार सुदूरपश्चिम प्रदेश र प्रदेश १ बिच भएको खेलमा सुदूरपश्चिम प्रदेश ५–०ले विजयी भएको हो । त्यसैगरी विभागीय टोली आर्मी र प्रदेश २ बिच भएको खेलमा विभागीय टोली आर्मीले प्रदेश २ लाई पराजीत गर्दै ७–० ले विजयी भएको हो । बुधबारको खेलमा पनि सुदूरपश्चिम प्रदेश र आर्मीको टोली बिजयी भएका थिए ।
सुदूरपश्चिमको तर्फबाट जानकी भट्टले २ ममता भट्टले १ बिन्दु रावलले १ गोल गरेका थिए । भने आर्मीको तर्फबाट निलमा पाण्डेयले १,कमला चन्दले ३, अन्जना चन्द ठकुरीले ३ गोल गरेको हक्की खेलाडी कान्तुराम पनेरुले जानकारी दिए । प्रतियोगिता फागनु २ गतेसम्म सञ्चालन हुनेछ ।