सुदूरपश्चिमका सीमा नाकाबाट तत्काल भारत नजान आग्रह

महेन्द्रनगर,७ चैत्र – सुदूरपश्चिमका सीमा नाकाबाट एक हप्ताका लागि भारत नजान आग्रह गर्ने निर्णय गरिएको छ। मुख्यमन्त्री तथा मन्त्रीपरिषद्को कार्यालयमा आज मुख्यमन्त्री त्रिलोचन भट्टको अध्यक्षतामा बसेको कोरोना भाईरस नियन्त्रण तथा निर्देशक समितिले सीमा नाकाबाट एक हप्ता सम्म भारत प्रवेश नगर्न आग्रह गर्ने निर्णय गरिएको हो।

मुख्यमन्त्रीका स्वकीय सचिव शिवसिह ओलीले दिनेश खबरलाई बैठकमा भारत नजान सबैलाई आग्रह गर्ने, सीमा नाकामा स्थापना गरिएका हेल्थ डेस्कलाई प्रभावकारी बनाउने निर्णय भएको जानकारी दिए। ओलीका अनुसार बैठकमा कोरोनाको संक्रमण फैलिएमा उपचारका लागि आवश्यक पर्ने पूर्व तयारीका विषयमा समेत छलफल भएको थियो।

कोरोना नियन्त्रण तथा निर्देशक समितिका अध्यक्ष समेत रहेका मुख्यमन्त्री भट्टको अध्यक्षतमा बसेको बैठकमा आन्तरिक मामिला तथा कानून मन्त्री प्रकाशबहादुर शाह, सामाजिक विकास मन्त्री कृष्णराज सुवेदी, मन्त्रालयका सचिव, कैलाली, कञ्चनपुरका प्रमुख जिल्ला अधिकारी, धनगढी उपमहानगरपालिकाका मेयर नृपबहादुर ओड लगायतको सहभागिता रहेको थियो। 

LEAVE A REPLY

Please enter your comment!
Please enter your name here