32.9 C
Mahendranagar

पुर्वाधार निर्माणले गाउँ बदल्दै

महेन्द्रनगर,१६ कार्तिक – कञ्चनपुरको शुक्लाफाँटा नगरपालिका–२ चौधरी टोलका भलमन्सा भरत चौधरी स्थानीय सरकार आएपछि गाउँको भएको विकास देखेर आश्र्चयचकित हुनुहुन्छ ।
जनप्रतिनिधी आइसकेपछि गाउँको सडक, नदी तटवन्ध, पुल लगायतका संरचना निर्माणले सिंहदरबारको अधिकार गाउँमा आएको चौधरीलाई अनुभूति छ । “गाउँ सडक सञ्जालसित नजोडिँदा दुई बर्षअघिसम्म गाउँमा बिवाहका लागि जेठ कुर्नुपथ्र्याेंं ।” चौधरीले भन्नुभयो–“अहिले त गाउँमै ठुला सवारीसाधन पुग्न थालिसके ।”
झण्डै ५० घरधुरी रहेको शुक्लाफाँटा नगरपालिका–२ को रानीपुर गाउँमा तीन दशकसम्म सडक बिहीन रहेको थियो ।
“पहिले गाउँमा मुश्किलले मोटरसाइकलसम्म आउथ्यो ।” उहाँले भन्नुभयो–“जेठ महिनामा खेतहरु खाली हुँदा मात्रै बिवाहका बस तथा सवारीसाधन आउन सक्थे ।”गाउँमा दुई बर्षअघि वडा कार्यालयको अग्रसरमा डेढ किलोमिटर सडक निर्माण गरिएको शुक्लाफाँटा नगरपालिका–२ वडाध्यक्ष शिवराज पनेरुले बताउनुभयो ।
“छेउमै रहेको सुनबरा नदीमा पुल नहुँदा सुत्केरीलाई समेत बोकेर पारी जोनापुरबाट गाडीमा लैजानुपर्ने अवस्था थियो ।” वडाध्यक्ष पनेरुले भन्नुभयो–“विगतको समस्या सुनाउँदा अहिले कथा सुनाएजस्तै लाग्छ ।”
उहाँले नगरपालिका र वडा कार्यालयको बजेटमा ८ मिटर चौडा पानी पिच बाटो निर्माण हुँदा स्थानीयलाई सहज भएको बताउनुभयो ।उक्त वडामा गत आर्थिक बर्षमा नगर, संघीय र प्रदेश गरी तीन वटा तहबाट रु २ करोड भन्दा बढीको लगानीमा विकास निर्माणका काम सम्पन्न भएको अध्यक्ष पनेरुको भनाई छ ।
“लामो समयदेखि अवरुद्ध रहेको लक्ष्मीपुर र ढकनिँया जोड्ने मितेरी पुल पनि निर्माणको अन्तिम चरणमा छ ।” उहाँले भन्नुभयो–“द्धन्दकालमा भत्किएको पुल बनेपछि यहाँका धेरै स्थानीयबासीलाई हिडडुलमा सहजता थपिनेछ ।”
त्यसैगरी दुई बर्षअघि रानीपुर र जोनपुर जोड्ने सुनबरा नदीमा झोलुङ्गे पुल बन्दा गाउँमा खुसीयाली नै छाएको पनेरुको भनाई छ ।
“पुल नहुँदा जोखिम मोलेर नदी तर्नुपर्ने बाध्यता थियो ।” उहाँले भन्नुभयो–“अहिलेसम्म वडामा रु ८० लाखसम्मको तटवन्ध निर्माण भइसकेको छ ।” त्यसैगरी लामोसमयदेखि जिर्ण अवस्थामा रहेको यहाँको झारखण्ड बैजनाथ ताल संरक्षणमा पनि पहल गरिएको उहाँले बताउनुभयो ।
“शहरी विकास मन्त्रालय र नगरपालिकाको सहयोगमा ताल संरक्षण गरिएको हो ।” उहाँले भन्नुभयो–“ताल नगरपालिकाको स्वामित्वमा लिएर माछापालनका लागि टेण्डर प्रक्रियामा जाने योजना अघि बढेको छ ।”

ताजा समाचार

कर्णाली प्रदेशका मुख्यमन्त्रीको सरकार जोगियो

सुर्खेत । मुख्यमन्त्री महेन्द्रबहादुर शाहीले सभामा विश्वासको मत लिनका लागि राखेको प्रस्ताव बहुमतले पारित भएको छ । यो सँगै कर्णालीमा शाही नेतृत्वको...

कञ्चनपुरमा थप ३१ जनामा कोरोना संक्रमण पुष्टि

महेन्द्रनगर । कञ्चनपुरमा थप ३१ जनामा कोरोना संक्रमण पुष्टि भएको छ । शुक्रबार गरिएको परिक्षणमा जिल्लाका ३१ जनामा संक्रमण पुष्टि भएको हो...

विद्यालय बन्द गर्ने अधिकार स्थानीय तहलाई

काठमाडौं : शिक्षा विज्ञान तथा प्रविधि मन्त्रालयले विद्यालय सञ्चालन वा बन्द गर्ने निर्णय स्थानीय तहले गर्न सक्ने जनाएको छ ।नेपालमा कोरोना भाइरसको...

धनगढीमा एक विद्यार्थीमा कोरोना संक्रमण

धनगढीको नास्ट कलेजमा अध्ययनरत एक विद्यार्थीमा कोरोना भाइसको संक्रमण पुष्टि भएको छ। सेती प्रादेशिक अस्पतालमा गरिएको परीक्षणमा ती विद्यार्थीमा संक्रमण पुष्टि भएको...

कञ्चनपुरमा कोरोना संक्रमण बढ्यो,अस्पतालमा बेड अभाव,संक्रमित घरमा

महेन्द्रनगर : कञ्चनपुरमा कोरोना संक्रमितको संख्या बढ्दै गएको छ । भारतबाट स्वदेश फर्किनेहरुको संख्या बढेपछि कोरोना संक्रमितहरुको संख्या पनि दिनहु बढ्दै गएको...