32.9 C
Mahendranagar

मिटर रिडिङ्ग गर्न जादैनन् कर्मचारी

  • 99
    Shares

कञ्चनपुर,२५ असोज
हरेक महिना सेवाग्राहीको घरमा पुगेर मिटर रिडिङ्ग गनुपर्ने विद्युत प्राधिकरणको प्रावधान रहेपनि महेन्द्रनगर वितरण केन्द्रका कर्मचारी भने सेवाग्राहीको घर पुग्दै सकस ठान्छन ।
रिडिङ्ग फाँटमा कर्मचारी अभावको कारण घर–घरमा पुगेर मिटर रिडिङ्ग गर्न समस्या भइरहेको बताएपनि भएका कर्मचारी पनि चार÷छ महिनामा एक पटक मात्रै रिडिङ्गका लागि आउने गरेको विद्युत सेवाग्राहीको गुनासो छ ।
कञ्चनपुरको भीमदत्तनगरपालिका–३ भगतपुरस्थित नवराज भण्डारीको घरमा मिटर रिडिङ्ग नभएको ६ महिना भएको बताए । महिनौ सम्म मिटर रिडिङ्ग नगर्दा महशुल तिर्न समस्या हुने गरेको भण्डारीको गुनसो छ ।
‘मिटर रिडिङ्गका लागि कर्मचारी यहाँ आउदैनन् ।’ भण्डारीले भने–‘विद्युत कार्यालयमा गएर आफैले रिडिङ्ग गराएर महशुल बुझाउनु अवस्था छ ।’ ४÷५ महिनामा रिडिङ्ग गर्न आएपनि अन्दाजी ३ महिनाको अंक हालेर जाने गरेको उनले बताए ।
अन्दाजमा ३ महिना अगाडिको रिडिङ्ग गर्दा कम तिनुपर्ने ठाउँमा बढी रकम तिनुपर्ने बाध्यता रहेको उनले सुनाए । ‘विद्युत कार्यालयमा पटर–पटक खबर गरे वास्तै गदैनन् ।’ भण्डारीले भने–‘समयमा मिटर रिडिङ्ग नहुदा सास्ती भएको छ ।’
करिब ५० घरधुरी रहेको भगतपुरस्थित भण्डारी टोलमा चार महिना यता मिटर रिडिङ्ग नभएको स्थानीयको भनाई छ ।
विद्युत कर्मचारीले समयमै मिटर रिडिङ्गमा नआउँदा जिल्लाभरी समस्या रहेको छ ।
भगतपुरका स्थानीय भीमराज भण्डारीले तीन महिना यता घरमा मिटर रिडिङ्ग नभएको बताए । उनले विद्युत कर्मचारीहरु मिटर रिडिङ्ग गर्न नआउदा आफै कार्यालय धाउनु परेको बताए ।
‘महशुल बुझाउनै एक दिन लाग्छ ।’ भण्डारीले भने–‘कुनै दिन लाईनमा बस्दाबस्दै समय सकियो भन्दै बन्द गरिदिन्छन ।’ उनले एकै चोटी हजारौ रकम महशुल बुझाउदा व्ययभार थपिएको बताए ।
विद्युत कार्यालयले महशुल बुझाउन ढिला गर्दा २५ प्रतिशत ब्याज लिने गरेको गुनासो सेवाग्राहीको छ ।
विद्युत महशुल बुझाउन पनि सेवाग्राहीले घण्टौ लाईन बस्नुपर्ने बाध्यता लामो समयदेखि यथावत रहेको सेवाग्राहीको भनाई छ ।
महशुल बुझाउनको लागि नेपाल विद्युत प्राधीकरण महेन्द्रनगर वितरण केन्द्रले ‘कुपन सिस्टम’ गरेपनि सेवाग्राहीले प्रभावकारी नभएको गुनासो गरेका छन् ।
स्थानीय मदन चन्दले विद्युत महशुल बुझाउन दिनभर लाईन बस्नुपर्ने बाध्यता रहेको बताए । ‘यहाँ दुईटा मात्रै काउन्टर छन् सेवाग्राही धेरै भए ।’ चन्दले भने–‘काउन्टर नथपे सम्म समस्या समाधान हुदैन ।’
महेन्द्रनगर बजार,दोधरा चादनी,झलारी कलुवापुर,कृष्णपुर सम्म महेन्द्रनगर वितरण केन्द्रका ५५ हजार सेवाग्राही छन् ।
नेपाल विद्युत प्राधिकरण महेन्द्रनगर वितरण केन्द्रका प्रमुख जङ्गबहादुर चन्दले हरेक महिना मिटर रिडिङ्ग गनुपर्ने प्रावधान रहेपनि केहि ढिलाई दिन हुने गरेको बताए । घरहरु टाढा–टाढा भएको र रुट नमिलेका कारण ढिलाई हुने गरेको उनले बताए ।
‘अहिले रुट मिलान कार्य भइरहेको छ ।’ वितरण केन्द्र प्रमुख चन्दले भने–‘घरको दुरी टाढा हुदाँ समस्या हुने गरेको छ ।’ उनका अनुसार ग्राहक बढी र मिटर रिडिङ्ग गर्ने कर्मचारीको संख्या कम भएकाले ढिलाइ हुने गरेको छ ।
महेन्द्रनगर वितरण केन्द्रमा मिटर रिडिङ्गमा ३२ जना कर्मचारी छन् । यस वितरण केन्द्र अन्र्तगत २० एरिया रहेका छन् ।
एउटा रुटमा तीन जना कर्मचारी मिटर रिडिङ्गका लागि जाने गरेको प्रमुख चन्दको भनाई छ । ‘रुट मिलान पछि हरेक महिनामा मिटर रिडिङ्ग हुन्छ ।’ प्रमुख चन्दले भने–‘रुट मिलान गर्न अझै ४÷५ महिना लाग्छ ।’

  • 99
    Shares

ताजा समाचार

कर्णाली प्रदेशका मुख्यमन्त्रीको सरकार जोगियो

सुर्खेत । मुख्यमन्त्री महेन्द्रबहादुर शाहीले सभामा विश्वासको मत लिनका लागि राखेको प्रस्ताव बहुमतले पारित भएको छ । यो सँगै कर्णालीमा शाही नेतृत्वको...

कञ्चनपुरमा थप ३१ जनामा कोरोना संक्रमण पुष्टि

महेन्द्रनगर । कञ्चनपुरमा थप ३१ जनामा कोरोना संक्रमण पुष्टि भएको छ । शुक्रबार गरिएको परिक्षणमा जिल्लाका ३१ जनामा संक्रमण पुष्टि भएको हो...

विद्यालय बन्द गर्ने अधिकार स्थानीय तहलाई

काठमाडौं : शिक्षा विज्ञान तथा प्रविधि मन्त्रालयले विद्यालय सञ्चालन वा बन्द गर्ने निर्णय स्थानीय तहले गर्न सक्ने जनाएको छ ।नेपालमा कोरोना भाइरसको...

धनगढीमा एक विद्यार्थीमा कोरोना संक्रमण

धनगढीको नास्ट कलेजमा अध्ययनरत एक विद्यार्थीमा कोरोना भाइसको संक्रमण पुष्टि भएको छ। सेती प्रादेशिक अस्पतालमा गरिएको परीक्षणमा ती विद्यार्थीमा संक्रमण पुष्टि भएको...

कञ्चनपुरमा कोरोना संक्रमण बढ्यो,अस्पतालमा बेड अभाव,संक्रमित घरमा

महेन्द्रनगर : कञ्चनपुरमा कोरोना संक्रमितको संख्या बढ्दै गएको छ । भारतबाट स्वदेश फर्किनेहरुको संख्या बढेपछि कोरोना संक्रमितहरुको संख्या पनि दिनहु बढ्दै गएको...