12 C
Mahendranagar

विश्व मिलिटरी खेलकुदमा आर्मी

काठमाडौं : चीनको उहानमा कात्तिक १ देखि १० सम्म आयोजना हुने सातौं विश्व मिलिटरी खेलकुद प्रतियोगिता (सीआईएसएम)मा नेपालको आर्मीले पनि भाग लिने भएको छ। नेपालले पहिलो पटक यस प्रतियोगितामा भाग लिन लागेको हो।

इन्टरनेसनल मिलिटरी स्पोर्टस् काउन्सिलले प्रत्येक चार वर्षमा आयोजना गर्दै आएको यस प्रतियोगितामा नेपालले १३ खेलमा सहभागिता जनाउन लागेको बुधबार आयोजित पत्रकार सम्मेलनमा सैनिक शारीरिक तालिम तथा खेलकुद केन्द्रका प्रमुख महासेनानी शशीकिरण रायमाझीले जानकारी दिए।

ओलम्पिकपछिको दोस्रो ठूलो खेलकुद महोत्सवका रूपमा रहेको यस प्रतियोगितामा विश्वका एक सय पाँच मुलुकका १० हजार सात सय १९ खेलाडीको सहभागिता रहने छ। प्रतियोगितामा दुई प्रदर्शनी खेलसहित २७ खेल समावेश छ।

नेपालले आर्चरी, ब्याडमिन्टन, बक्सिङ, घोडचढी, फेन्सिङ, जुडो, ट्रायथलन, ट्र्याक एन्ड फिल्ड, तेक्वान्दो, बिच भलिबल, कुस्ती, मोर्डन पेन्टाथलन र सुटिङ खेलमा प्रतिस्पर्धा गर्नेछ।

आठौं राष्ट्रिय खेलकुद प्रतियोगितामा स्वर्ण पदक विजेता र उत्कृष्ट प्रदर्शन गर्ने आर्मीका खेलाडीलाई उक्त प्रतियोगिताका लागि छनोट गरिएको बताइएको छ।

ताजा समाचार

भोलिबाट बहस गर्न १०‍-१५ मिनेटभन्दा बढी समय दिन्‍नौँ : प्रधानन्यायाधीश जबरा

काठमाण्डौँ : प्रतिनिधि सभा विघटनविरुद्ध सर्वाेच्च अदालतको संवैधानिक इजलासमा बहस गर्ने अधिवक्ताहरुले अब जम्मा १५ मिनेट समय पाउनेछन् ।

बुधबार २८३ जनामा कोरोना संक्रमण पुष्टि ,३ जनाको मृत्यु

थप २८३ जनामा कोरोना भाइरसको संक्रमण पुष्टि भएको छ । बुधबार स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ४३८२ मा पिसिआर...

जुम्लामा आगलागी हुँदा ३२ घर र ७० चौपाया जलेर नष्ट

सुर्खेत : मंगलबार बेलुकी जुम्लाको तिला गाउँपालिका-७ पोखरीस्थित गोठीगाउँमा भएको भीषण आगलागीबाट ३२ घर र ७० पशु चौपाया जलेर नष्ट भएका छन्...

विश्वभर कोरोना सङ्क्रमितको संख्या १० करोड नाघ्यो

काठमाण्डौँ : विश्वभरी कोरोना सङ्क्रमितको संख्या १० करोड नाघेको छ । कोभिड –१९ बाट संयुक्त राज्य अमेरिका सबै भन्दा प्रभावित देशको सूचिमा परेको...

सुदूरपश्चिमका ८ जिल्लामा सुरु भयो खोप अभियान,१ जिल्ला बाँकी

कञ्चनपुर : सरकारले देशभर कोरोनाभाइरस विरुद्धको खोप अभियान सुरु भएसँगै सुदूरपश्चिम प्रदेशमा पनि बुधबार खोप अभियान उद्घाटन भएको छ । सेती प्रादेशिक...